GAHINAN sa Cebu City Government og P500 milyones ang pagpalit og bakuna batok sa coronavirus disease (Covid-19) kon aduna nay mapalit sa 2021.

Si Mayor Edgardo Labella mitahas sa Local Finance Committee (LFC) pagtuon sa posibilidad aron adunay magamit nga pundo ang Cebu City pagpalit sa bakuna ug maapil sa 2021 Proposed Annual Budget.

“Akong gipa-analyze nila if it is proper at this point that we will already appropriate P500 million because if the vaccine will not be available next year, sayang ang kantidad nga i-appropriate karon. Mao nang akong gipatan-aw nila ang posibilidad,” pagpasabot ni Labella.

Kon makita nga moabot ang bakuna sa Covid-19 vaccine, iapil ang pundo sa budget sa City Health Department.

Apan kon sa ilang pangagpas wa pay mapalit nga bakuna sunod tuig, di kini iapil sa budget sanglit dili mapuslan ang kwarta kay di pa magamit.

“If the possibility that it cannot be made available by 2021, sayang lang ang P500 million because we can use that for other purpose,” dugang sa mayor.

Si Labella nagkanayon nga gahinan og pundo sa Cebu City ang pagpalit sa bakuna aron mabakunahan ang mayoriya, kon dili man gani ang tanang mga lumolupyo sa Cebu City. (PAC)