MOABOT ngadto sa P680,000 nga balor sa drugas ang nakuha sa mga sakop sa City Drug Enforcement Unit sa Cebu City Police Office atol sa buy-bust operation niini sa Sitio San Miguel, Barangay Apas, Dakbayan sa Sugbo alas 10 sa gabii, Huwebes, Agusto 15, 2019.

Ang nasikop mao si Jovanne Zabate Cabuenas alyas "Bani," 29, nga nagpuyo sa maong lugar.

Nakuha kang Cabuenas ang usa ka dakong putos sa gituohang shabu nga motimbang sa 100 gramos. Anaa na sa kustodiya sa Philippine National Police Crime Laboratory ang mga nasakmit nga drugas.

Gipaubos sa imbestigasyon ang dinakpan kon asa siya magkuhaan sa suplay sa ilegal nga drugas.

Pasakaan ang suspek og kasong kalapasan sa Republic Act 9165 kun Comprehensive Dangerous Drugs Act of 2002. (AYB)