Magbantay ang nagpakatap og di mao nga balita sa social media kalabot sa bakuna batok sa coronavirus disease 2019 (Covid-19).

Ang director sa Criminal Investigation and Detection Group, Police Major General Albert Ignatius Ferro, nimando karon sa iyang mga sakop sa pag-imbestigar sa mga tawo nga nagpakatap sa sayop nga impormasyon sa social media kalabot sa bakuna.

Daghan ang nag post sa Facebook nga matod pa, makamatay ang bakuna batok sa Covid-19 bisan kon wa kini kamatuoran.

Mahimong mag-atubang og kaso ang mo post niini tungod kay makamugna kinig panic sa wala pa mabakunahi, dugang ni Ferro. (AYB)