WALA makatiwas sa pagpangadye ang usa ka lola human gitiiunag kutsilyo sa nag-inusarang tulisan Sabado, Hulyo 4, 2020, sa alas 4:30 sa kaadlawon sa bukirang lugar sa Barangay Dobdod, lungsod sa Badian.

Si Teonas Cabije, 69, minyo, retired accountant, walay nahimo batok sa tulisan nga naka-bonnet nagdalag kutsilyo.

Si Police Captain Gilfred Baroman, hepe sa Badian Police Station nga nahinabi sa Superbalita Cebu, nagkanayon nga si Cabije nag-inusara lang sa ilang balay kay ang iyang bana toa sa Calbayog samtang ang mga anak lahi na usab ang gipuy-an.

Matod pa ni Baroman nga si Cabije nitug-an nga didto sa likod sa ilang balay miagi ang tulisan pinaagi sa pagguba sa purtahan.

"Nimata ning tiguwang nga biktima kay nangadye pagka kaadlawon. Unya nakasulod ang suspetsado, mideklarar og tulis," dugang ni Baroman.

Si Cabije wa na makatiwas sa pagpangadye.

Wa sab siya masayod kon pilay sulod sa iyang ATM card naa didto nakabutang ang pincode.

Nunut niini, dali nilang gipa-block ang ATM sa banko aron wa nay makuha ang tulisan.

Si Cabieje wa makamay-ong sa tulisan kay naka-bonnet lang.

Si Baroman niingon nga nagpadayon sila karon sa imbestigasyon sa maong kaso.

Nagtuo siya nga gipanid-an sa tulisan si Cabije nga nag-inusara lang og dunay kwarta. (GPL)