NAG-UMOL nag special investigation task group (SITG) ang Mandaue City Police Office sa pagpusil patay sa sulod sa Mandaue City Jail sa giilang big time drug lord sa Sugbo nga si Steve Go.

Matod ni Sr. Supt. Roberto Alanas, hepe sa kapulisan sa syudad sa Mandaue, nga ang tumong sa SITG mao ang pagsubay kon unsay hinungdan nganong nakasulod ang armas sa selda ni Steve Go bisan sa kahigpit sa pagbantay sa mga jail officer sa maong bilanggoan.

Aduna nay initial nga resulta sa imbestigasyon, apan gitahasan niya ang SITG nga mopadayon sa ilang nasugdan nga kasayuran.

Girekomendar usab niya nga ipaubos sa ballistic examination ang armas nga gigamit sa pagpusil sa high risk nga binilango.

Samtang gitug-an ni Police Regional Office (PRO) 7 Director Chief General Debold Sinas nga nabutang sa level 3 drug lord si Go, kinsa gihulagway nga dako nga drug personality sa Central Visayas.

Lakip sa iyang area of distribution sa illegal nga drugas mao ang syudad sa Sugbo, Mandaue, ug Lapu-Lapu diin ang labing dako mao ang syudad sa Talisay.

“Metro Cebu is a good market di ba? But of course ang original stay nya, asa man sya nag original stay? So Talisay is a target kase naa didto ilang base. Gani iyang asawa naa pa didto,” matod ni Sinas. (AYB)