ANG Visayas maoy aduna’y labing daghang nadaginot nga kuryente atol sa Earth Hour niadtong Sabado, Marso 31.

Natala ang 89.37 megawatts nga load drop sa tibuok Kabisay-an sulod sa usa ka oras base na usab sa datus sa National Grid Corporation of the Philippines (NGCP).

Sunod sa Visayas mao ang Luzon diin natala ang load drop nga 88MW ug Mindanao 17.97MW.

Sumatotal aduna’y 195.34 MW ang natala sa NGCP nga natipig tibuok nasod atol sa maong Earth Hour.

Nagsugod kini alas 8:30 sa gabii hangtod alas 9:30 sa gabii.

Sa Sugbo, aduna’y natala nga 3.6 MW ang natala sa Visayan Electric Company Inc. (VECO) nga total demand drop niini sa franchise area niini.

Mas taas kini itandi sa demand drop niadtong 2018 nga 2.6 MW lang. (HBL)