SA MAKAUSA pa, gipakita sa Sugboanog si Eloy Poligrates nga anaa pa siyay igong ikabuga human niya pangulohi ang Marinerong Pilipino nga moabante sa 2019 PBA D-League Foundation Cup playoffs sa dihang ilang gilubong ang Asia’s Lashes Tomas Morato kagahapon sa Ynares Sports Arena sa Pasig.

Ang kanhi pambato sa Cebu Sharks-Casino Ethyl Alcohol sa Maharlika Pilipinas Basketball League (MPBL) mitali og 17 puntos, lima ka rebounds ug upat ka assists.

Si Poligrates, produkto sa Southwestern Univesity (SWU) Cobras mIpahagsa og lima ka triples. Laing nakasuporta sa opensa sila si JBoy Solis nga may 11 puntos ug JR Alabanza nga mikolekta og nuebe puntos ug unom ka rebounds alang sa Marinerong Pinoy nga maoy miangkon sa nag-unag luna sa Group A.

Malisod nga tahas ang sunod sagubangon sa Marinero sanglit mga lig-ong teams ang ilang ikasangka sa nahabilin nilang duha ka mga duwa.

Kini mao ang iWalk ug CEU sa dili ma sila mosugod sa ilang kampanya alang sa quarterfinals. (JBM)