GIBUAK ni Fil-Am Kristina Knott ang 33 na ka mga tuig nga Philippine national record ni Lydia de Vega sa iyang pagdagan sa women’s 200m sa Southeast Asian Games kagahapon sa New Clark City Athletics Stadium.

Si Knott mirehistro og 23.07 segundos sa heats aron buakon ang 23.35 nga rekord ni De Vega, usa sa labing bantugang runner sa Pilipinas.

Gawas niini, nabuak sab ni Knott ang mismong rekord sa SEA Games nga 23.30 segundos nga narehistro ni Supavadee Khawpeag sa Thailand niadtong 2001.

Sa iyang pagbuak og mga rekord, si Knott nakaabante sa finals diin siya maoy gikonsiderar nga labing inilog. Human sa SEA Games, si Knott nanghinaot nga maka-qualify sa 2020 Tokyo Olympics. (ESL)