Nahalin og US$1.79 million o dul-an sa P100 million ang home uniform ni basketball legend Wilt Chamberlain sa iyang rookie season sa Philadelphia Warriors (Golden State sa pagkakaron), usa ka rekord sa National Basketball Association (NBA).

Matod sa SCP Auctions ang uniporme ni Chamberlain niadtong 1959-60 season napalit sa filmmaker nga si Rob Gough.

Si Chamberlain maoy napiling MVP ug Rookie of the Year awardee ning maong season.

Ang uniporme nakolekta gikan mismo ni Chamberlain niadtong dekada sa 70 sa usa ka auction house. (AP)