MAGPABILING suspendido si Phoenix Pulse Fuel Masters sa 2020 season sa Philippine Basketball Association (PBA) hangtod nga dili niya makumpleto ang mga kinahanglanon aron malibkas ang silot.

Mao kini ang giklaro ni PBA commissioner Willie Marcial human kini nakigsulti sa kontrobersyal nga magduduwa.

“Nag-uusap kami. May pinag-uusapan pa kami. May pinapagawa pa ako,” matod ni Marcial, kinsa wala na modugang og mga detalye, sa interbyu sa Spin.ph.

Si Abueva napahamtangan og indefinite suspension human niya dapati si Talk N’ Text KaTropa import Terrence Jones niadtong Hunyo sa Commissioner’s Cup.

Hinuon, gitugtan na si Abueva sa PBA nga makaapil sa praktis sa Phoenix niadto pang Septiyembre.

Gipasabot ni Marcial nga kon makumpleto ni Abueva ang requirements nga iyang gipangayo, iyaha nang isaka sa board ang isyu kabahin niini. (ESL)