COTABATO CITY -- Minilyon ang nahimong damyos sa pagkasunog sa merkado publiko sa Sultan Kudarat, Maguindanao alas 11:45 sa gabii niadtong Dominggo, Oktubre 24, 2021.

Gikanayon ni Senior Fire Officer 2 Omarkhalif Solaiman Sr., chief operations sa Sultan Kudarat Fire Station, nga nakadawat sila og tawag sa natigayong sunog sa public market sa Barangay Simuay sa maong lungsod.

Abtik nga nagresponde ang mga bombero sa Bureau of Fire Protection (BFP)-Maguindanao, uban ang fire units sa uban pang mga munisipyo ug nagtinabangay sa pagkontrola sa dako na kaayong kalayo.

Human sa tulo ka oras, napawong na ang kalayo ug wala na makatabok ngadto sa mga kabalayan kilid sa palengke.

Moabot sa 37 ka mga stalls sa palengke ang naugdaw nga kasagaran gama sa light materials o kahoy.

Giingong nagsugod ang kalayo sa usa ka tindahan nga niadtong orasa patay-siga ang suplay sa kuryente apan giimbestigahan pa sa mga awtoridad. (Edgar E. Fuerzas)