TEMPORARYO nga gisirad-an ang tanang mga outdoor attractions sa Sta. Cruz, Davao del Sur.

Kini human nga gipirmahan ni Sta. Cruz Mayor Jaime Lao Jr. ang Executive Order No. 27 series of 2021 diin nadeklara nga ipailawom sa modified enhanced community quarantine (MECQ) ang munisipalidad sa Sta. Cruz sugod Hulyo 1, 2021.

Ang gipangsirhan nga mga outdoor attractions gilangkuban sa Mount Apo, Mount Dinor, Mt. Loay, Pilan River, Tacub Laya Falls, Palaca Hotspring, Saliducon Cave, Langan Falls, Cultural village, Balusong Falls, Tomari Falls, River Tubing ug daghan pa nga mga outdoor activities.

Sama sa ubang dapit sa Davao Region, sirado sab ang mga outdoor attractions diin gipatuman sab ang 24-hour nga liquor ban ug walay sugal ubos sa MECQ.

Ang MECQ sa Davao Region nagsugod Huwebes diin mahuman kini Hulyo 15.