NASIKPAW sa Bunawan Police Station ang usa ka bigtime drug lord sa area sa Poblacion District sa Davao City nga maoy usa sa mga nag-supply og shabu sa mga kasikbit nga barangay ning siyudad.

Ning kasamtangan gikustodiya sa Bunawan Philippine National Police (PNP) ang suspek nga si Debbie (bansagon gitago), usa ka babaye, 42-anyos nga taga Barangay 76-A Bucana ning siyudad.

Sumala ni Bunawan PNP Station Commander Major Noel Villahermosa nga mokabat sa P4 milyon nga shabu ang market value nga nakuha sa posisyon sa suspek human sa malampusong buy-bust operation alas 11 sa buntag, Huwebes, Hunyo 25, sa Kilometro 23, Centro Bunawan.

Dugang ni Villahermosa nga usa ka benepisyaryo sa Social Ameloriation Program ang nadakpan nga babaye kinsa ang bana niini napriso sab sa samang kalapasan sa ilegal nga drugas.

Gikustodiya sa kapulisan ang suspek ug gikatakda nga ipailawom Biyernes sa summary inquest proceedings didto sa korte.