ANG taga Island Garden City of Samal nga si Aglipay Oberio nanguna sa ikaupat nga APM Blitz Online Chess Tournament nga gihimo bag-uhay lang via lichess.org.

Si Oberio, may username aglipay_oberio, milampurnas og 38 puntos human sa 14 ka duwa aron pildihon si national master (NM) Levi Mercado sa Cagayan de Oro City ug fide master (FM) Alekhine Nouri nga misunod sa ikaduhang pwesto.

Si Mercado (cecillejane) ug Nouri (FMalekhineNouri) miiskor og pulos 28 puntos apan ang uwahi via superior tiebreaks base sa performance, 2504-2481.

Ang magduduwa gikan Samal midaug sa 11 ka duwa, draw sa usa ka match ug napildi sa duha ka games.

Gipangyabo niya sila Jeremy Marticio, Suyong, MindTeaser, Allan Gabriel Hilario, Noel Dela Cruz, NM Alexander Lupian, Ronald Adaya, Den-Den (twice), Nouri ug Rondar Raffy Tivar.

Si Oberio midawat sa P200, samtang si Mercado may P150 ug Nouri mipauli sa P50 sa torneyo nga giorganisa ni national arbiter Ely Acas.

Samtang si Marlowe Cagulada sa Davao City miangkon og titulo sa fifth APM Blitz Online Chess Tournament nga gihimo sab via lichess.org.