MGA manana-aw lingawon sa pag-arangkada sa 2019 Araw ng Dabaw Rainbow Volleyball League sa Marso 3 nga mahitabo sa Davao City National High School (DCNHS) gym.

Si Balibolista de Dabaw's Abet Bernan, atol sa Davao Sportswriters Association (DSA) Forum sa The Annex of SM City Davao Huwebes, Pebrero 21, nagkanayon, “This is a tournament open to gays. Whether current or former varsity players may join or those already working from different fields. Few fashion designers are joining, too.”

Gibutyag ni Bernan nga 10 ka tim magkombati alang sa dungog sa torneyo sa balibol nga duna say dula sa Marso 9 ug 10, 23 ug 24.

Ang tim tungaon ngadto sa duha ka grupo ug unay moduwa og single round robin format sa eliminasyon. Ang unang upat ka mga tim magtigi sa crossover semifinals padulong ngadto sa kampeyonato.

Ang una hangtud sa ikaupat nga puwesto makadawat og ganting salapi ug mga tropeyo gikan sa lokal nga kagamhanan sa Davao pinaagi sa Sports Development Division sa City Mayor's Office (SDD-CMO) tungod kay ang kalihukan kabahin sa opisyal nga Araw ng Dabaw sports festival.

Duna say mga espesyal individual awards ang ihatag ngadto sa talagsaong mga magduduwa.