DEAR Heartline,

Mangutana lang ko nagpa-inject man gud ko sa akong manoy kay dili man ganahan akong asawa kay gamay daw akoang manoy unya karon nag-nana man ang akong manoy.

Please tambagi ko. Ako diay si Leanard taga Calinan.

Leanard

***

Hi Leanard,

Intawon Dodong, kapait og basin maputol na imong manoy kay nadaut na pag-ayo.

Adto tawon og doktor kay mas sakit huna-hunaon nga naputol ng imohang armas kay na-inpeksiyon.

Usa pa, let's learn to appreciate gud kung unsa ang anaa kanato.

Sa tanan gyud nakong nabasa nga mga artikulo labot ana, tanan gyud nagsulti nga way pamaagi so far o proseso nga modako, motaas ang kinatawo sa lalaki.

Kung di satisfied si misis kay medyo kuwang ang gilok, sigun sa mga experts nga i-agi lang gud na sa mga saktong posisyon.

You can check sa mga books labot niini, naa pa gani mga online tutorials on that matter.

Ayaw na anang mga prosesoha, hadlok ug di sab masiguro nga safe gyud.

Unta ma-okay pa's manoy aron tuloy ang ligaya =)

Heartline