NINDOT nga tukar. Chill nga lugar. Perfect gyud kaayo kini ilabi na ngadto sa buot mag-unwind, magrelaks human ang usa ka semanang binunuay sa trabaho ug eskwela.

Didto sa Mati City, swak ang lingaw-lingaw sa “Kalingawan sa Siyudad sa Mati” 4 p.m. Biyernes, Hulyo 19, 2019.

Ang aktibidad himuon sa FGR Mati Park and Baywalk.

Bida sa kalingawan ang mga local bands ug dancers nga mohatag og lingaw sa mga taga-Mati.

Mga performers, suma pa pinakamaayong local band artists ug performance sa dapit.

Anaa ang Broken Chords of May, Synchronized Band, Orient Rocks, Cool Strings ug Playlist Band from Davao City.

Yugyugan to the max sab ang hatud sa mga dance performers, sama sa Urban Vibe, Metanoia Groovers, Undergroundz, Hyper Crew, Level Up, Elite Rookies, Lil' Hype, Takatak Boys, Badygals ug Floor Gangz.

Ang kalingawan agi'g pasalamat ni Mati City Mayor Michelle N. Rabat sa suportang gibubo kaniya sa mga Matinians.