NAGSUGOD sa usa ka gamay nga kompanya, hangtud nga milambo kini ug karon ubay-ubay na ang mga miyembro ug satelitte centers lukop nasud.

Ang kalampusan sa Success Formula International (SFI) di sayon, kini suma ni Michael Siega Javier, CEO ug presidente sa kompanya sa pakighinabi sa Superbalita Davao.

“Nagsugod sab ko sa lain-laing kompanya, teacher ko before, then nakadecide nga magput-up og negusyo nga akoa. Daghan og struggles, daghan ka og i-prove, thankful lang sab gyud ko with the support of my wife.”

Kaabag ni Javier ang kapikas nga si Lovely nga maoy bise presidente.

Ang SFI natukod Oktubre 8, 2016, diin nag-unang tumong niini mao ang pagtabang sa uban nga makanegusyo, sila mokita, mahimong financially independent.

“Nagavisit mi og mga barangay, schools and explain sa ilaha how to be financially independent. Mamaligya ta og produkto nga epektibo ug dali lang i-market. Tabangan nato sila how to be an effective seller,” dugang ni Javier.

ANG SFI nga proudly-Davao company, may kaugalingong planta nga maoy naggama sa ilang mga produkto.

Gilangkuban sa sabon, kape, liniment oil, lakip na fertilizers nga giingong ‘basic needs’ sa publiko.

Gidugang ni Javier nga aron kinatibuk-an nga maabot nila ang halapad nga scope sa market, gimugna nila ang mga community projects sa barangay, pinaagi sa caravans, kompetisyon, livelihood seminars lakip na medical missions.

“Dili lang ta always income-earning but also we give back sa komunidad. We teach them how to be effective sa ilang marketing skills, at the same time, mo-extend sab ta og help nila.

Ang SFI nga usa ka direct selling company sa kasamtangan may sobra 10 na ka satelitte centers sa nasud.

Ni Javier, tumong nila nga sa umaabot nga panahon, sila ang mag-una ug piliong kompanya kung hisgutan ang pagmugna og mga competitive nga produkto ug serbisyo, inubanan sa paggiya sa mga business leaders ug entrepreneurs.

Incentives

Aron sab madasig ang ilang members/sellers nga mas maningkamot pa, gitinguha sab sa kompanya ang paghatag kanila og bonus.

“We also arrange incentives para mas madriven atong members/sellers to give always their best. Usa pa, a way of thank you sab ng incentives sa ilang paghago kay with that nag grow ang company,” batbat ni Javier nga may dako sab nga kasingkasing sa mga lokal talents dinhi.